C'l artìcul chè 'l è scrit in
Miranduléś |
![]() | ||
Spring Breakers - Una vacanza da sballo | ||
![]() Na figùra dal film | ||
Spring Breakers - Na vacànsa da śbal 2012 | ||
---|---|---|
Regìa: Harmony Korine | ||
Scritōr: Harmony Korine | ||
Atōr: James Franco • Selena Gomez • Gucci Mane Vanessa Hudgens • Ashley Benson • Emma Holzer Rachel Korine • Heather Morris • Russell Stuart | ||
Müsica: Cliff Martinez • Skrillex | ||
Léngua: Ingléś | ||
Dürä dal film: 94 minüt | ||
Nasiōṅ: Stat Unî |
Spring Breakers - Una vacanza da sballo (Spring Breakers - Na vacànsa da śbal) l'è na cumèdia dramàtica americàna dal 2012 scrita e dirèta p'r Harmony Korine. L'è stada preśentàda in cuncōrs a 'l 69śum Fèstival ad Venèsia e anc a 'l 37śum Fèstival ad Turònt.
Custâ sinc migliòṅ ad dòlar, al film al gh'à abû pò 'n sucès clamuróś e al 'n à fat sù dagnóra trénta-dū.
Quàt'r amìghi purcùsi 'd un culéǵ ad pruìnsa, la Brit (Ashley Benson), la Candy (Vanessa Hudgens), la Cotty (Rachel Korine) e la Faith (Selena Gomez), i n védan l'óra 'd partìr par la Flòrida durànt la stmana dal spring break par psēr acsè bévar di lìt'r ad bira c'n un dvinèl in bóca o diretamènt da la guma, drugàr-as cuma dal mati, giràr tuti śmudandàdi in muturèṅ, tōr part a dal fèsti fra śōv'n e far-as dar ad brut. Esénd ch'i n aṅ minga di bèsi abàsta par pagàr-'s al viàś, i decìd'n ad rapinàr un fast food druànd dal pistòli ad àqua.
Durànt un party in na cà privàda a riva la pulisìa ch'la li mét dèntar par via dla pólvra biànca ch'i gh'aṅ catâ, par furtùna ch'a gh'è òṅ ch'a gh paga la causiòṅ, un cantànt rap ciamâ Alien (James Franco) traficànt ad dròga. La Faith la decìd ad turnàr a cà méntar chi atri tri i armàgnan sèg.